Dialuna atardi a drenta informe di cu un mucha muher a core bay na cas di un bisiña pa bati alarma cu 4 Nissan March lo a yega na nan cas na Papilon posiblemente pa regla cuenta cu su ruman homber, mesora a dirigi un patruya na e sitio. Na yegada di e patruya a bin compronde cu un rato prome e autonan menciona a yega na e adres posiblemente cu mal intencion e momentonan ey e ruman homber tabata cerca un otro amigo na Oranjestad y e ruman muher a core bay na e bisiña pa bati alarma. Despues di esey e autonan a move posiblemente a sali bay en busca di e ruman homber. Mientras tanto e ruman homber a bin cas y polis a papia cun’e pa haya sa cual ta e problema.
