Diadomingo anochi a drenta informe di un accidente cu hende herida na Franse Pas, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un pick-up pa motibo di velocidad halto a perde control y a bolter. Debi na e impacto di e boltermento e chauffeur a resulta herida, na yegada di e ambulans nan a atende e victima y a transporte pa hospital.
