• 

• 

ORANJESTAD, 30 di november 2021 –  Aruba Bank a participa na e di 22 edicion di Charity Golf Tournament di Rotary Club of Aruba cu a tuma lugar diasabra dia 27 di november 2021 na Tierra del Sol. E evento aki tawata tin como meta pa recauda fondo pa obranan di caridad.

Nos ta contento di un biaha mas pa por a uni e talento “den cas” pa competi den un actividad comunitario deportivo cu un meta pa yuda recauda fondo pa obranan di caridad. Aruba Bank a participa cu dos team cu a consisti di e siguiente coleganan: Lucio Maduro, Ryan Koolman, Francis Chung, Bryan Nemecek, Javier Geerman, Lisette Danker, Tariq Welhous y Eugene Dirksz.

Cada participante tabata enfoca riba nan competencia y na mes momento tabata pasa un rato ameno compitiendo contra otro.

Nos ta felicita Rotary Club of Aruba pa e tremendo evento y satisfecho di por a contribui na e bon causa.