Bisiña no kier duna cara pa comportacion di su cachonan
Diahuebs atardi a drenta informe di cu un grupo di 3 cacho a ataca y morde un mucha na Parke Curazon na Simeon Antonio, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio locual a compronde ta cu un grupo di cacho a subi e tereno di e parke y a ataca un mucha di 5 aña. E mucha tabata grita di dolor ora adultonan a core bay na su yudansa y e cachonan a core bay na un cas den cercania. Polis a bay na e cas ey pero e supuesto doño no kier a responsabilisa su mes. Ambulans a transporta e mucha pa hospital.
