Diamars mainta a drenta informe di un accidente cu hende herida dilanti Cayena Mall na Caya G.F. “Betico” Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di e Suzuki Liana lo a bira malo y a sali dilanti di e Toyota Yaris sin dun’e preferencia y esaki a bin dal riba dje. Na yegada di e ambulans a bin nota cu ambos chauffeur a resulta levemente herida y a atende esun cu a bira malo mientras a pidi un otro ambulans pa e chauffeur di e otro auto. Na yegada di e otro ambulans a sigui atende e otro chauffeur. A solicita un takewagen tambe na e sitio y a confisca un vehiculo.
