MACUARIMA, ARUBA: Diahuebs y diabierna tabata un dia grandi na Scol di Polis E.Y. Watty Vos. Den un ceremonia special y diferente e aña aki pa motibo di reglanan di COVID-19. Recientemente na scol di polis E.J. Watty Vos a tuma lugar un Drive By. 46 studiante a haya nan diploma. For di man Ministro di Husticia Sr. Rocco Tjon y den presencia di Altocomisario suplente Sra. Irma Gordon y hefe di scol di Polis E.Y. Watty Vos Sra. Jeannette Richardson-Baars e hobenan aki a ricibinan diploma.
30 studiante ta termina nan estudio policial y awor tin nan diploma MBO nivel 4 den nan man. Ta trata aki di klas
2017 1:
M. Westerhof, B. Croes, D. Kock, M. Angela, M. Tromp, R. Rosel, K. Janga, J. Boekhoudt, W. Connor, E. Luidens, A. Henriquez, K. Simileer,T. Maduro, V.Nuñez y D. Quant.
Y klas 2017-2:
A.Pirela Soto, J. Kraag, E. Tromp, M. Croes, D. Franken, G. Martinez, D. de Castro, G. Nicolaas, S. Jansen, T. In’t veld, A. Morillo Rojas, N. Sanches Salas, E. Tromp, C. Garcia Melo, D. Alvarez Espinal y H. Nuñez Bahamon.
Cu e trayectoria di estudio tras di lomba. Aruba tin awor 31 agente policial studia y prepara pa mantene e seguridad di nos comunidad.
Na mesun momento klas 2019 tambe a ricibi nan diploma di MBO nivel 3. Cu esaki den man, nan ta na mitar caminda di nan estudio di policial.
E klas ta consisti di 16 studiante: J. Ruiz, M. Violenes, N. Mongen, D. Fernandes Peña, L. Lopez Pineda, C. Rodgers, M. Voz, M. Montero, J. Tromp, P. Maduro, C. de Cuba, A. Villamizar, K. Kock, M. Martillia, R. Ras.
“Esaki ta un momento hopi bunita cu e coleganan ta ricibi nan diploma awe, esaki ta e inicio di nan carera policial pa nan mes y tambe pa nan famia. Inverti den e personal. Na final di dia si bo duna e persona e hermentnan necesario pa nan por eherce nan trabou e output lo ta muchu mas mihor den e caso aki pa combati criminalidad.” tabata palabranan di Ministro di Husticia Rocco Tjon, despues cu a haci entrega di e diploma na e agentenan.
“Nos ta hopi contento un biaha mas pa deliver un otro klas pa traha hunto cu nos den Cuerpo Policial” Sra. Jeannette Richardson-Baars ta comenta despues di un periodo intensivo cu a studiantenan aki a logra. Pa e hobennan cu kier bira polis, nos ta cla pa cuminsa cu klas 2022. 1 di oktober 2021 nos ta bay habri e solicitud. Keda pendiente riba e paginanan oficial di polis.
Sra. Irma Gordon altocomisario suplente di Cuerpo Policial Aruba ta hopi contento y orguyoso di haya sanger nobo cla pa sirbi nan comunidad. Aki par di tempo polis di edad lo baha cu pensioen y nos mester di e hobennan pa remplasa y carga nos organisacion. Un mensahe di Sra. Gordon pa e hobennan cu kier solicita pa bira polis, sigui solicita, prepara bo mes bon pa asina bo por pasa tur e testnan pa bo por drenta nos cuerpo. Pa e studiantenan cu a caba nan estudio policial “mi ta desea boso hopi suerte den boso trabou, sea semper bo mes, duna respet pa bo wordo respeta y keda bo mes, bo lo yega hopi leu.”
