Diabierna atardi laat a drenta informe di cu tin un auto coriendo masha malo mes y ta bay subi e Green Corridor direccion pariba, mesora a dirigi un patruya pa intercepta e vehiculo riba caminda. Poco pariba di e brug Fredis Refunjol polis a logra para e auto aki. Polis a nota cu e ta bao influencia y a solicita pa e alco-sensor hunto cu e vehiculo di transporte. Na momento cu polis a bay test e chauffeur e sensor a indica mesora cu ela surpasa e limite permiti y a detene y a hib’e warda di polis.
