Bucuti & Tara, Parke Arikok, gruponan educativo y di servicio ta uni pa limpia Arashi Beach
EAGLE BEACH, Aruba – September 19, 2021 – Aruba tawata un di e 180 paisnan cu a participa den World Cleanup Day diasabra cu mas di 60 boluntario, organisa door di Bucuti & Tara Beach Resort den colaboracion cu Parke Nacional Arikok.
E team di maneho di Parke Nacional Arikok y Bucuti & Tara Beach Resort a invita gruponan educativo local, cu ta inclui International School of Aruba, Universidad di Aruba, Fofoti Tours, The Interact group, y huesped y trahadornan di Bucuti & Tara pa participa den nan esfuerso pa limpia Arashi Beach di sushi.
World Cleanup Day a wordo crea cu un meta cu ta traspasa frontera, religion y diferencianan cultural. E ta un di e movecionnan civico mas grandi na mundo, cu ta uni paisnan globalmente cu e mision pa contribui na un planeta mas limpi. Aña pasa, World Clean Up Day a uni mas di 11 miyon hende a pesar di e dificultadnan di COVID-19.
World Cleanup Day ta utilisa e poder y entusiasmo di personanan globalmente cu kier wak un bida mas sostenibel pa futuro generacion. E esfuerso di e aña aki ta centra rond di un area hopi critico pa Aruba: nos lama. Cu 70% di oxigeno di mundo produci den nos lama, e ta tragico cu 8 miyon di tonelada di plastic ta contami nos awa tur aña. E tema di 2021 ta pa conscientisa y colabora pa stop e fluho di sushi cu ta wordo tira den nos lama tur dia. Haciendo nos beachnan y cayanan limpi ta bai tin un impacto positivo riba nos flora y fauna submarino y pa nos comunidad.
EcoKids di International School of Aruba cu a participa a comparti: “Nos ta eco-guereronan jong! Nos mision ta pa yuda nos lama y nos bunita isla Aruba. Nos kier protehe y yuda nos planeta pa futuro generacion. Danki na Bucuti & Tara Beach Resort pa inspira y apoya nos!” Di Universidad di Aruba, Dr. Viola Heutger y un paar di studiante di exterior a orguyosamente participa.
Fofoti Tours a brinda transporte for di Bucuti & Tara te na e sitio di limpieza. Un representante di e compania a comparti, “Nos ekipo di Fofoti ta orguyoso di ta un creyente y partidario di tene un ekilibrio sano entre turismo y e proteccion di nos medio ambiente, paso esaki ta unda nos tur tin un interes mutuo; e ta unico cos cu nos tur ta comparti.”
Mr. Michael Wildemand y Ms. Annette MacMullin di Teuksbury, Ma, ta huespednan di Bucuti & Tara Beach Resort cu ta bin tur aña y cu ta programa nan vakantie specialmente pa bin cada di tres diaranson di luna pa asina nan por participa den e resort su beach clean up mensual na Eagle Beach. Nan tawata felis pa por a uni y conose un grupo asina grandi di hendenan local cu ta mes un apasiona di proteha nos medio ambiente, vooral riba un dia asina special mane World Cleanup Day.
E evento tawata un exito y Bucuti & Tara y Parke Arikok ta agradecido na tur participante.
Pa haya sa mas, bishita Bucuti.com.
