Diasabra anochi a drenta informe di un accidente cu hende herida na Seroe Blanco, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Nissan Skyline no a regula su velocidad ni a mantene distancia a bay dal tras di e Daihatsu Terios su dilanti cu a para pa bay bira na man robez. Debi na e fuerte impacto tabata tin persona cu a resulta herida. Na yegada di e ambulans nan a atende e victimanan.
