Diaranson merdia drenta informe di un caso unda un cacho los riba caya a core tras di un dama di edad ta blaf e y e dama den su susto a core y cay dal su cabez duro, mesora a dirigi patruya na e sitio. Na yegada di patruya na e sitio a bin compronde cu un dama tabata saliendo for di su cas pa bay na cas di su ruman y cacho pitbull di bisinja su dilanti a sali for di cura y core su tras ta blaaf e. E dama a declara cu den su susto ela purba huy pero ela cay y golpi su cabez basta duro riba vloer. E dama meater a grita pa asina e cacho no a sigui su tras. Polis a tuma declarashon di e dama cu a resulta herida y a avise pa e cana cu un palo pa e lo por defende su mes ora e subi caya despues a bay atende cu e doño di e cacho. Aki polis a hala atenshon di e doño irresponsabel aki cu no tini su mascota peligroso bon segura den su cura di cas. E donjo a keda di atende pa cu esey no pasa mas.
