Diadomingo mainta a drenta informe di un accidente cu hend herida y pega den auto na e cruzada di Palm Beach, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya a bin compronde cu aki ta trata di un accidente pa falta di preferencia. Na yegada di e ambulans a cuminza atende e victimanan mientras na yegada di cuerpo di bombero a cuminza cu e trabaonan pa libera un victima pa e por sali for di auto. Despues di esey ambulans a transporta e victimanan pa hospital.
