Diabierna atardi a drenta informe di cu a bin haya un persona sin bida den estado di descomposicion na un cas na Montana, mesora a dirigi un patruya na e sitio. Na yegada di e patruya a bin haya e homber di 71 aña sin bida den estado di descomposicion y a pidi presencia di dokter y tur autoridad competente na e sitio. Tanto recherche como e investigadornan technico y forensyco a presenta na e sitio y a inicia cu un investigacion. Na yegada di e dokter a bin constata cu aki ta trata di un caso di morto natural. Segun por a compronde ta trata aki di un homber di fam Vrolijk cu ta biba su so y bisiñanan a yega na e cas despues di algun dia sin mir’e y a bin hay’e den e situacion ey y a avisa autoridad. Na famianan di e fayecido nos ta extende nos mas sincero palabranan di condolencia.
