Diaranzon atardi a drenta informe di cu tin un dama maltrata banda di Tamarijn Beach Hotel y alavez un otro informe di cu tin un turista fuera di control bulando dilanti autonan banda di Tamarijn Beach Hotel, mesora a dirigi un patruya na e sitio. Na yegada di e patruya a bin compronde cu aki ambos caso lo ta e mesun persona ta envolvi, ta trata di un dama cual lo ta bao influencia di un of otro substancia y cu tabata bisa cu su pareha a bula bay lagando e atras y e mesun dama aki tabata riba caminda y a bula dilanti auto pasando. Mirando cu e dama tabata bao influencia di un of otro substancia polis a detene e dama pa su mesun seguridad y di otronan te ora e calma y por razona.
