Diasabra anochi a drenta informe di un accidente na e rotonde na Boegoeroei anto posiblemente e chauffeur lo ta burachi, mesora a dirigi un patruya na e sitio. Na yegada di e patruya a bin compronde cu e chauffeur di e Hyundai Tucson A38436 a caba di bandona e sitio. E chauffeur aki no a regula su velocidad ni a mantene distancia a bay dal tras di e Nissan March A73636 cu tabata su dilanti. Afortunadamente ningun hende a resulta herida. Polis di trafico a keda di pasa busca e chauffeur cu a core bay for di e sitio di accidente.
