Diabierna atardi a drenta ingorme di un accidente pa falta di preferencia na e crusada di Emmastraat cu Professor Lorentzstraat, mesora a dirigi patruya na e sitio. Na yegada di patruya na e sitio a bin constata cu aki e S.U.V. Mitsubishi taxi biniendo for di nort a crusa sin duna preferencia na un Nissan March bayendo ariba riba caminda di preferencia. E impacto a causa basta daño material pa e Nissan March, afortunadamente ningun persona a resulta herida den e accidente aki.
