Diadomingo atardi a drenta informe di un accidente pisa cu hende herida den Caya E. Boes Orman, mesora a dirigi tanto polis, ambulans y brandweer na e sitio. Na yegada di patruya na e sitio a bin constata cu aki ta trata di un accidente unda cu chauffeur di un Nissan March bayendo pariba lo a perde control baha caminda y dal den un cura di cas y sigui core bay un pida mas leu. E chauffeur a keda herida y tabata grita di dolor na e sitio. Ambulans y brandweer a brinds prome auxilio y logra saca e homber for di e auto pa asina ambulans por a prepare pa transporte pa hospital unda elo ricibi mas tratamento pa su heridanan. Por a nota na e sitio cu e motor di e auto a cuminsa torno for di otro debi na e impacto. Un meter di awa na e cura di cas tambe a kibra y esaki tabata saca masha hopi awa mes for di dje. Polis a sera e caminda pa por a desvia trafico pa por a investiga con exactamente e accidente aki a pasa. A pidi presencia di D.O.W. tambe na e sitio pa por a hasi limpiesa di e camkmda ya cu e accidente a laga basta azeta ariba e caminda.
