Durante nochi den un accion conhunto riba lama unda e unidadnan di guarda costa hulandes hunto cu Zr.Ms. Holland cual ta apoyando guarda costa a intercepta un go-fast cu un gran cantidad di droga riba lama. Despues di cu e sensornan di e radar di Guarda Costa a detecta un movecion di un Go-Fast, e avion Dash di Guarda Costa a bay tras di esaki. E Go-Fast a nabega pazuid di Curaçao y tabata presumi cu pakinan di contrabando abordo. E Centro di Rescate y Coordinacion a dirigi Zr. Ms. Holland, pa bay rapidamente y e barco a dirigi nan helicopter NH-90 y un FRISC na e Go-Fast. A pesar di varios señal di advertencia y disparonan di advertencia for di e helicopter NH-90 na esnan cu tabata abordo di e Go-Fast veloz pa e para su boto, y no a responde.
E ultimo recurso a pone e NH-90 procede na desactiva e motornan di e Go-Fast usando fire diaabling. E FRISC, y e boto interceptor rapido di Zr.Ms. Holland a desplega pa recupera esnan cu tabata abordo di e Go-Fast cu tabata hundiendo y recupera tur e pakinan di e contrabando. Tabata tin 12 persona abordo y a recupera un total di 45 paki, cu tabata consisti di 1050 kg di cocainay 275 kg di Marihuana. E sospechosonan y e pakinan a ser traslada cu e FRISC y e Metal Sharknan pa nan station na Parera unda tanto e sospechosonan como tambe e pakinan a ser entrega na polis di Curaçao.
Un di e tripulantenan a resulta herida durante e accion. E persona aki a ser traslada urgentemente den helicopter pa hospital di Curaçao pa ricibi tratamento medico.
