Diasabra madruga a drenta informe di un accidente na e rotonde Ponton riba E.J. “Watty Vos Blvd., mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di e Kia Rio a bini di nort y no a logra tuma e birada full y a subi e barancanan banda pabao pazuid di e rotonde net prome cu e lo por a sali for di e rotonde y a keda pega. Polis a nota cu e auto tin varios rasca y marcanan unda e lo por a dal na otro sitionan. Polis cu a nota cu e chauffeur ta burachi a solicita un alco-sensor pa test e ebriedad di e chauffeur. Ora cu a test e chauffeur esaki a pasa e limite over y polis a haya nan mes ta detene e chauffeur pa a core bao influencia y ocasiona un of mas accidente riba caminda. Nan a detene y a bay warda di polis cun’e mientras a pidi tame pa un takelwagen bin hala e vehiculo cu a keda parcialmente riba caminda strobando trafico.
