Diabierna atardi a drenta informe di cu un auto lo a dal un peaton na Bubali, mesora a dirigi tanto polis como tambe ambulans na e sitio. Na yegada di e patruya a bin compronde cu aki ta trata di un accidente unda cu un dama manehando un Mitsubishi Attrage cu velocidad halto bayendo direccion pabao a primi brake y un banda di brake so a traha y esaki no tabata suficiente pa para e auto cu e velocidad cu e tabata bini y a dal e dama peaton cu a cruza di nort pa bay zuid mand’e halto dal su cabez riba e windshield y despues cay riba e asfalt. Na yegada di e ambulans nan a atende e dama cu a haya basta sla na su cara y sangrando como tambe bastante sla na otro parti di su curpa. E personal di ambulans a atende e victima y a transporte pa hospital.
