Manera ta conoci Mike Eman su maneho financiero y mal gobernacion a percura cu Hulanda a dune un KB pa mal gobernacion. Mike Eman su “legacy” ta cu e ta e unico Prome Minister cu a haya un KB pa mal gobernacion y asina entrega autonomia financiero di pais Aruba.
PRIORIDADNAN ROBEZ DI MIKE EMAN
Algemene Rekenkamer a cuestiona e maneho di Mike Eman caminda den nan rapport “Bo Aruba” nan a señala cu tin mas di 10 miyon florin cu Mike Eman su Gabinete a uza dimas sin duna cuenta pa esaki. Tambe Mike Eman a uza 142 mil florin di pueblo, cu no tawata presupuesta, pa celebra su hacimento di aña. Pa e motibo aki no por aproba e cuenta anual di pais Aruba.
MIKE EMAN TA UZA FONDO DI PUEBLO PA INTERES PARTIDISTA
For di e decision di ministerraad (MAZ/17.1079), 27 di juni 2017, por lesa cu Mike Eman a dicidi di uza placa di pueblo pa Robert Candelaria bula bin Aruba pa negocia su subimento riba lista di AVP. Mescos Mike Eman a haci 19 di juli 2017 (MAZ/17.1132), y un bes mas riba 1 augustus 2019(MAZ/17.1276).
MIKE EMAN TA PAGA CANDELARIA PA POR CAMPAÑA
Un luna prome cu eleccion, riba 15 di augustus 2017, Mike Eman ta dicidi (BE-56/17) pa nombra Robert Candelaria den un funcion di consehero na Ministerio di Turismo y ta page 8 mil florin pa campaña. Pero na mes momento Mike Eman ta dicidi tambe di paga, cu placa di pueblo, pa Robert Candelaria su casa y dos yiunan por biaha bin Aruba pa compañe den campaña.
PA CONCLUI
Mi ta lamenta cu Parlamentarionan manera Candelaria ta laga Mike Eman uza nan. Te hasta pa den weekend bay na radio den programma di “kapsalon” y haci redo. Mi ta kere si scohe pa esaki lo ta mihor pa Mike Eman bay radio y splica dicon net prome cu eleccion e ta nombra (MAZ 17.1429) Candelaria den un funcion di director na “directie scheepvaart” contra tur procedura y pa un salario astronomico. Ta a base di e tipo di decisionnan descabeya aki di Mike Eman y e liderazgo debil di Mike Eman a pone cu nos finanzas publico ta fragil.
