Diahuebs atardi a drenta informe di un accidente cu hende levemente herida dilanti Plaza 18 Maart, mesora a dirigi tanto polis como ambulans pa e sitio. Na yegada di e patruya na e sitio a bin constata cu aki ta trata di un accidente pa falta di preferencia. Aki chauffeur di un S.U.V. biniendo for di Caya Ernesto Harms a bay crusa pa bay pariba riba L.G. Smith Boulevard y no a tene cuenta cu un quadracer bayendo pabao riba caminda di preferencia. Aki e S.U.V. a dal den e frame y parti patras di e quadracer y a causa cu e motorcyclista a resulta levemente herida. Amulans a presenta na e sitio y a atende cu e motorcyclista na e sitio mes.
