Un edicion nobo di e Festival di Buki pa Mucha ta na caminda. Un otro tema lo ta e guia pa lesamento. Di ‘historia’ ta bay pafuturo. Futuro di e muchanan. Ta kico ta nan soño pa futuro? Kico nan kier siña? Y ki profesion ta mustra nan atractivo? Na2021 ta celebra e profesionnan di futuro y laga mucha contesta e pregunta ‘Kico bo ke bira dia bo bira grandi?” Koki? Tecnico?Artista? Bibliotecaria? Docente? Cunucero? Piloto? Kico? …
E Festival di Buki pa Mucha ta e campaña anual mas grandi di Biblioteca Nacional Aruba pa stimula lesamento cerca mucha y ta tuma lugar den prome siman di november. E tema di e festival 2021 ta ‘Ta loke bo kier ta’ cu su lema Ora mi bira grandi, mi kier bira … E aña aki muchanan rond Aruba por cuminsa soñadi nan profesion den futuro.
12 autor di buki pa mucha y ilustrador ta duna un contribucionna e proyecto anual di Biblioteca Nacional Aruba. Autornan cuta participa ta di Aruba, Corsou y Hulanda. E interes pa e festival semper ta grandi di parti di e scolnan na Aruba. Na 2021 WEB Aruba N.V. ta e sponsor principal pa e festival.Presentacionnan pa mucha lo bay via television canal 23 TeleAruba, Social media, scol y na biblioteca mes.
Autornan cu biblioteca a invita for di Hulanda ta: Lizzy van Pelt, Annemarie Jongbloed, Petra Heezen (ilustrado), Jeroen Hoogerwerf, Evelien van Dort. For di Corsou: Mercee Doran y Tio Ali. Y e autornan di Aruba ta: Robby Solognier (ilustrado), Lorena Boekhoudt-Almary, Maribelle Arends, James Ocalia y Sarah-Quita Offringa. Den Studio di biblioteca ta prepara diferente presentacion di autor di buki pa mucha.
