Sospechosonan cu a huy lo a purba sconde pa polis no hay’e cu arma
Diamars merdia durante cu polis tabata atendiendo cu un sospechoso deteni na Eagle Beach polis a ser informa cu tin un arma di candela cu balanan benta bao di un auto staciona, mesora polis a bay controla y a bin encontra cu un arma di candela “glock” y varios bala 38 special y su peña. A solicita presencia di e investigadornan tecnico y forensyco pa bini documenta e hayazgo aki y inicia cu e investigacion. Casi sigur esaki lo tin di haber cu e persecucion di mas tempran unda e 2 sospechosonan cu a huy na pia pa no ser atrapa cu e arma a djies core bay tira esaki bao di e auto pa libra su mes di e arma y mas despues ora polis bay pasa recoge. Pero awor un otro arma posiblemente usa pa un of mas crimen ta den poder hudicial. Pues un arma di candela peligroso menos riba caya!
