• 

• 

• 

• 

• 

• 

• 

• 

• 

• 

• 

• 

• 

Diaranzon atardi a drenta informe di un accidente pisa na e cruzada Awakatistraat /Avenida Milio Croes, mesora a dirigi un patruya na e sitio. Na yegada di e patruya a bin compornde cu aki ta trata di un accidente unda cu e chauffeur di un Toyota Corolla color oro bayendo pabao den Awakatistraat no a para pa duna preferencia na un Pick-up bayendo nort den Avenida Milio Croes y a dal den banda patras (fishtail e) pone perde control bay di banda ranca un borchi y bay dal tras di un truck. Pa apenas algun centimeter e chauffeur a scapa di un impacto cu lo por tabata fatal p’e riba e truck. Su yiu cu tabata sinta na banda a bay cas cu otro persona ya cu e tabata keha di dolor di nek. Lo mas repudiabel ta cu e chauffeur di e Toyota a sigui core bay manera nada a pasa. Testigonan a nota e number di e auto A26966 y a duna polis esaki. Awor polis lo bay atende cu e chauffeur cu e chance di wordo deteni pa a abandona e sitio di accidente.