Dialuna mainta a drenta informe di un accidente cu hende herida na Tanki Leendert. Mesora a dirigi tanto polis como ambulans na e sitio. Na yegada di e patruya a bin compronde cu un KIA Rio lo a sali sin duna preferencia na un Kia Elantra y e KIA Elantra a bai kita pero e a dal den un palo di luz. Na yegada di e ambulans nan a atende cu e chauffeur di e KIA Elantra cu a dal su rudia den e dashboard y lo tabata tin dolor di nek.
