Diabierna mainta un patruya a topa cu un accidente cu a caba di sosode nan dilanti na Keito y a pidi pa ambulans y patruya di trafico na e sitio. Segun por a compronde e caminda tabata poco muha di e yobida y e dama chauffeur di e Toyota Yaris na e bocht panort na Keito biniendo zuid a slip baha caminda na man drechi y ela purba bay bek riba e caminda pero e maniobra aki a pone perde control baha e banda robez di caminda y a bay dal riba e pilar di un cas y a sigui bay un poco mas pazuid debi na e susto. E impacto a ocasiona dolor den pecho di e dama chauffeur. Na yegada di e ambulans nan a atende e dama y a transporte pa hospital.
