Diasabra atardi a drenta informe di un accodente cu hende herida na e cruzada Caya Ing. Roland H. Lacle cu Van Leeuwenhoekstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di un Nissan March biniendo for di zuid no a para pa duna preferencia na un Jeep bayendo pabao den Van Leeuwenhoekstraat y a dal e auto spin esaki 90 grado y e Jeep tambe bira 90 grado dal un palo di lus y tambe un tubo di lus di trafico kibra. Debi na e impacto e dama tabata keha di problema di halamento di rosea. Na yegada di e ambulans nan a atende e victima y a transporte pa hospital.
