Diamars anochi a drenta informe di un accidente cu hende herida riba e cura pazuid di Hyatt Place pariba di airport na Mahuma, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Hyundai Accent coriendo cu velocidad halto a perde control y a bay den banda dal riba e pilar den skina di muraya di e cura di e hotel. E impacto tabata basta fuerte cu tanto e chauffeur como e ocupante a resulta herida. Na yegada di e 2 ambulansnan nan a atende e victimanan y a transporta nan pa hospital.
