Dialuna atardi a drenta informe di un accidente hit & run cu hende herida na e rotonde airport, mesora a dirigi tanto polis como ambulans na e sitio. Na caminda pa e sitio a drenta un otro informe di cu un trahador di DVG a bay tras di e chauffeur cu a ocasiona e accidente y kier a sigui core bay pero a logra para esaki dilanti Talk of the Town y a wanta e chauffeur pa polis. Mientras tanto a dirigi un patruya pa eynan. Na yegada di e patruya na unda e chauffeur tabata mesora nan a detene e chauffeur pa ocasiona un accidente y bandona e sitio. Peor aun ta cu ela dal e otro auto banda di e porta unda tabata tin mucha sinta. Mientras na yegada di e polis na e rotonde di airport a bin compornde cu e chauffeur a sali dal den e auto y a core bay, Na yegada di e ambulans nan a atende e muchanan herida y a transporta nan pa hospital.
