Diadomingo atardi nos colaborador a bin topa cu Drs. Marisol Lopez-Tromp campañando den Dakota y ela cede nos algun minuut pa conta nos con ta bayendo cu su campaña y awor como lider di e partido M.A.S. E ta sinti cu e campaña ta bayendo bon y cu pueblo ta disgusta cu tanto corrupcion y cosnan no correcto ta sosodiendo. E ultimo aconsentimientonan di su expulsion despues di tur su descubrimientonan y pruebanan cu ela presenta den parlamento a haci su recepcion mas facil na casnan di famia. E hecho ey a habri hopi caminda p’e. Nos ta spera di tende mas di dje ainda prome cu eleccion. awe24.com ta desea Marisol hopi exito den e eleccion venidero.
