Diadomingo atardi a drenta informe di un accidente cu hende herida pariba di ex-Codemsa na Cumana riba E.J. “Watty” Vos blvd., mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur coriendo cu velocidad halto a perde control bay na man drechi dal riba e muraya di e viaduct yegando rotonde Cumana. Debi na e impacto tanto e dama chauffeur como e dama ocupante a resulta herida. Na yegada di e ambulansnan nan a atende ambos victima y a transporta nan pa hospital.
