Diasabra atardi a drenta informe di un accidente hit and run na Casa Vieja, mesora a dirigi un patruya na e sitio. Na yegada di e patruya a bin compronde cu aki ta trata di un chauffeur burachi den un auto Toyota blauw cu a ocasiona un accidente y a sigui core bay. Polis a haya un number pero aparentemente e no tabata cuadra. Un rato despues a drenta un otro informe di un otro accidente pero e biaha aki Morgenster, mesora e patruya a bay na e sitio y a bin compronde cu aki atrobe un Toyota Corolla blauw a dal y cu su chauffeur basta burachi a sigui core bay. Polis a logra haya e number corecto y tabata casi manera esun prome. Ora a controla e number a bin haya un adres polis a bay na Verano y a bin haya e Toyota Corolla blauw pero sin e plachi numbernan despues di varios intento ningun hende kier a sali despues di un rato a bin logra haya e chauffeur burachi y a detene e chauffeur pa a causa 2 accidente bao influencia y a sigui core bay.
