Isuzu Dmax ta presenta e siguiente generacion di pickup cu a caba di yega na Garage Centraal. Basicamente ta un revamp completo di e Isuzu D-Max cu ta conoci caba na Aruba, cu tin un reputacion pa calidad y durabilidad. E auto aki sigur ta bay sigui cu esaki pa futuro.
Segun Rodney Kock, marketing manager di Garage Centraal Aruba, e ta un rediseño basta radical di e pickup. No solamente ta haya liña y detaye hopi mas agresivo, tur e dimension di e auto a aumenta. Locual ta e haltura di e hood, di e baki, e dimensionnan general di e pickup, tur a bira mas grandi, cu excepcion di e parti di e dak. E profiel di e bentana ta tiki mas chikito, compara cu e modelo anterior. Loke ta duna un presencia mas deportivo manera e hotrod di antes, cual ta un manera di describi e look nobo di e Isuzu Dmax.
Parti paden a bira sumamente mas comodo, el a bira mas amplio. E sientanan ta rediseña cu diferente sorto di material. No solamente ta tuma e curpa di e chauffeur y tene comodo, pero e ta reduci tambe e vibracion cu ta bay pa e curpa di e persona door di e caminda.
En general e estilo di Isuzu D-Max su interior ta hopi mas refina. E detayenan di chrome aki aya cu ta mustra un nivel refina, pero toch ta mantene su nivel di funcionalidad.
E Isuzu D-Max tin tur features pa pasaheronan cu ta spera den vehiculo moderno. Esaki ta inclui detayenan manera un media player cu Apple CarPlay cu Android Auto, Bluetooth y hopi mas.
Isuzu Dmax ta biniendo cu dos powerplant. E nivel mas halto ta 3.0 Turbo y den e versionnan mas economico Isuzu ta tuma 2.5 y ta swap esaki pa un motor 1.9 Turbo CRDI.
Loke cu Isuzu a haci ta pa tuma e turbo system, a haci su capacidad has halto y a mehora e respons di e turbo ora cu ta trot e auto. Esaki entre otro ta resulta na un pickup cu tin un mas torque y tin mas cabay di forsa. Pero toch ta ofrece un nivel superior di economia pa loke ta gasolin.
Pa loke ta ‘performance wise’, e pickup a mehora hopi y ta remarcabel. E D-Max ta keda cu e DNA tradicional Isuzu. Y e ta mantene e posicion di liderazgo cu Isuzu tin ‘engineering wise’.
Ta invita un y tur pa pasa wak e Dmax na Garage Centraal Aruba. Door di e pandemia e produccion inicial ta limita. Si ta desea di e wak e auto, ta recomenda pa pasa mas lihe posibel cerca nan.
E invitacion un biaha mas pa tur esunnan cu kier mira e pickup aki, pa pasa awe mes na Garage Centraal.
