Diadomingo atardi a drenta informe di un accidente cu hende herida na e birada di e t-weg pariba di airport, mesora a dirigi tanto polis como ambulans na e sitio. Na yegada di e patruya e chauffeur femenino a declara cu ela perde control na e birada y a bay dal riba mata di kwihi. E impacto tabata fuerte y e dama a resulta levemente herida. Na yegada di e ambulans nan a atende e victima y a transporte pa hospital.
