Dialuna Parlamento lo reuni cu representantenan di Sindicato di Polis den e comishon fiho di asuntonan hudicial. Topico di agenda lo ta e desaroyonan actual den husticia. A base regular ta reuni cu diferente “stakeholders” den e cadena hudicial.

OVERTIME Y AO

Manera ta conoci recien e colegio di supervision a emiti un rapport den cual nan ta señala cu “overtime” ta halto den e departamentonan hudicial, manera entre otro Cuerpo Policial. Nos lo kier intercambia di idea cu Sindicato di Polis con nan ta mira e aspecto aki.

CANNABIS MEDICINAL

Tambe nos a tuma nota di un declaracion di e presidente di e sindicato den cual e ta vocifera su preocupacion pa loke ta cannabis medicinal y e trayecto di legalisacion. Mi ta haye sumamente importante pa scucha e preocupacion di e sindicato pa nos por tene cuenta cu e aspectonan cu nan lo elabora riba dje.

PA CONCLUI

Mescos cu den pasado nos a sinta na mesa pa yega na otro, manera tawata e caso riba protocol di RST, esaki no lo ta diferente. Lo nos tene pueblo informa di resultado di e reunion.

•