Diadomingo anochi a drenta informe di un accidente na Paradera, mesora a dirigi un patruya na e sitio. Na yegada di e patruya a bin constata cu aki ta trata di un accidente unda cu un Toyota 4runner bayendo nort a ranca un palo di lus completo poniendo henter e bario perde coriente. Segun testigonan cu ta un dama latina tabata na wiel y a djies baha caminda y a dal e palo di lus ademas cu nan a yuda e dama sali mientras un hulandes na e sitio tabata bisa cu cacho a pasa su dilanti. Afortunadamente ningun hende a resulta herida pero e testigonan a keda para riba cu e dama chauffeur lo a dal su pecho basta duro na e stuurwiel.
