• 

• 

• 

• 

• 

• 

Diadomingo atardi a drenta informe di un accidente na Buccaneer na Gasparito, mesora a dirigi un patruya na e sitio. Na caminda pa e sitio a drenta informe di cu e vehiculo cu a dal e cura di Buccaneer a sigui core bay y a para banda di Papiamento restaurant. Despues a drenta informe di cu e chauffeur a bay warda di Shaba y eynan a declara cu otro auto a dal e y pone kibra e cura. E specialista di trafico a bay na e sitio di accidente y a descubri cu ta e chauffeur mes a perde control bay dal riba e cura segun e lastranan riba e caminda. Ora e specialista a bay na warda di Shaba unda e chauffeur tabata, e chauffeur a bolbe gaña e specialista cu otro hende a bay cu su auto pero net un patruya a yega y a bisa e specialista cu e auto ta masha bon para pafor di warda pero un poco mas leu. E specialista a wak e auto y a bisa e chauffeur cu atrobe e ta purba gaña y esaki ta castigable pa ley pa gaña un polis of duna informacion falso.