Manera tawata anticipa Aruba no lo a haya un Koninklijk Besluit pa e motibo cu tur cifra ta mustra cu Gabinete Wever-Croes ta hiba un maneho responsabel. Pero mes importante cu un bon maneho ta e liderazgo cu cual nos prome minister sra. Evelyn Wever-Croes ta lidera su Gabinete, e coalicion y nos Pais.

NORMANAN FINANCIERO

Manera tur cifra tawata y ta mustra e aña aki, mescos cu na 2018, lo sera cu un presupuesto supletorio budget neutraal. Y pa loke ta aña 2020 Aruba lo cumpli cu normanan financiero ancra den e protocol. Na mes momento ta cumpli tambe cu e normanan di gasto di personal manera palabra cu Hulanda.

PRIORIDADNAN CORECTO

E diferencia cardinal entre e maneho di sra. Evelyn Wever-Croes y esnan di e gabiente anterior ta cu aworaki tin prioridadnan corecto. Ta inverti e recursonan limita den e aparato gubernamental y e fundacionnan cu pa hopi tempo a wordo neglisha.

PA CONCLUI

Nos ta hopi orguyoso di nos prome minister cu  poco poco ta restaurando e confiansa den nos pais. Su liderazgo ta e diferencia cardinal pa por a logra esaki apesar di tur contratiempo y mal deseonan di opositornan politico. Nos lo sigui sostene sra. Evelyn Wever-Croes y su Gabinete pa sigui hiba Aruba pa dilanti. Goberna ta algo serio y responsabel y pa saca Aruba di su situacion actual mester tin curashi.