Dialuna atardi a drenta informe di un accidente basta fuerte unda cu un pick-up lo a bolter riba E.J. Watty Vos blvd pabao di rotonde Ponton, mesora a dirigi tanto polis ambulans como tambe e equipo di rescate di bombero na e sitio. Na yegada di e patruya a bin compronde cu e trafico a crea un bottleneck unda e trafico a keda mal pega y un auto a bay haci maniobra cual a pone e chauffeur di e pick-up Isuzu D-max desvia pa evita un accidente y ela perde control bay na banda drechi di caminda dal na e rand y kentel ban den banda memey di caminda. Den e maniobra aki e chauffeur di e pick-up a resulta herida y e windshield a spart bay otro banda di caminda. Na yegada di e ambulans ya e personal di bombero a yuda saca e chauffeur pone banda di caminda. E personal di ambulans a atende e victima y a transporte pa hospital.
