Diadomingo atardi a drenta informe di un accidente cu hende herida dilanti di Moko Mini Market na Moko, mesora a dirigi tanto polis como ambulans na e sitio. E patruya a yega rrrrrapido na e sitio, na nan yegada a bin compronde for di “Clarita” mes cu masha netjes ela baha caminda na man drechi pa atende su telefon y despues di a sera esaki a bay subi caminda bek y cu e tabata cu su ruman “Wika” den e auto y ora ela bay subi e caminda cual por cierto e caminda mes ta un subida y no por distingui mesora cu tabata bini un auto mucho rrrrapido y a dal riba dje. Debi na e impacto su ruman “Wika” a resulta herida door di e impacto y e susto a bira malo. E dama den e otro auto tambe a bira malo pero “Clarita” mes a keda fuerte y Balente. Na yegada di e ambulansnan nan a atende “Wika” y e otro dama y a transporta ambos pa hospital.
