Empleado ehemplar cu ta sufri di depression a pone fin na su bida bulando for di piso 7

Diamars mainta a drenta informe di cu tin un persona cu lo kier bula for di balcon di e di 7 piso di e hotel, mesora a dirigi patruya na e sitio. Na yegada di e patruya a tuma nota cu e situacion ta serio ya cu e persona concerni a emiti riba su facebook di su mensahe di despedida, y e persona tabata na e rand di e balcon para pafo riba e stupi polis a pidi pa e equipo di rescate di bombero como tambe ambulans cu urgencia na e sitio. Polis a pidi empleadonan cuminza prepara colchonnan abao mientras ta purba intermedia. Pero e victima tabata tin e camber na lock y no a habri e porta pues e tabata decidido den su proposito. Na e momento menos spera ela bula y a fayece inmediatamente den su caida. Cantidad di empleado como tambe turista a presencia e acto cruel aki y e empleadonan a bira malo y varios a hyperventila. E personal di ambulans cu a yega a hayanan mes obliga di atende e empleadonan. E victima a bin resulta di ta Dawryn Lisandro Semeleer di 28 aña kende tabata traha na e departamento di venta di e hotel. Na famianan y empleadonan di e difunto ta bay nos mas sincero palabranan di condolencia. Su ultimo mensahe por lesa esaki riba su facebook di Jhon Semeleer.

• 

• 

• 

• 

• 

• 

• 

•