Diamars madruga a drenta informe di un accidente unda un auto a dal un palo di lus na Bubali, mesora a dirigi un patruya na e sitio. Na yegada di e patruya a bin topa cu un Honda Accord cual e chauffeur ta burachi y cu un kap na su cabes y a pidi un ambulans pa e chauffeur. E chauffeur a bay dal riba un palo di lus cu transformer riba dje y esaki a ranca 2 palo di lus mas bay nort. Na yegada di e ambulans nan a atende e chauffeur y a transporte pa hospital. Polis a keda tene e caminda sera te casi den oranan di mainta.
