Diaranzon atardi a drenta informe di un accidente cu hende herida na Morgester, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un pick-up bayendo pariba riba e caminda principal pa bay Santa Cruz mester a brake diripiente pa un auto di direccion contrario cu a bira su dilanti sin a pone signlight y e auto a pasa sin cu e pick-up a dal e, pero e auto tras di e pick-up si no a logra para na tempo y a bay dal basta fuerte tras di e pick-up. E impacto a causa cu e dama chauffeur a corta su dede mientras e chauffeur di e pick-up tabata keha di dolor na su lomba.
