Diaranzon mainta a drenta informe di un accidente cu hende herida na e cruzada banda di D.T.I. na Barcadera, mesora a dirigi tanto polis como ambulans na e sitio. Na yegada di e patruya a bin compornde cu aki ta trata di un accidente unda cu e chauffeur di un Kia Cerato cu a caba di sali for di un lugar pabao di e cruzada bay direccion pariba y pa falta di bon visibilidad a bay usa su wiper mientras e auto a hala banda na e banda robez di e caminda net ora cu un Toyota Yaris biniendo di pariba y e chauffeur di e Yaris kende ta un agente policial cu a caba di traha y cu ora a mira e Kia Cerato hala na robez a pita esaki y a purba desvia p’e pero e impacto aki tabata inevitable. Debi na e impacto ambos chauffeur a resulta herida. Un di e chauffeurnan su porta a keda pega y no por a habri pa cual a solicita presencia di e equipo di rescate di bombero pa habri e porta pa saca e agente policial. Na yegada di e ambulans nan a atende e victimanan y na yegada di bombero mesora a logra habri e porta y saca e victima pega. Cu 2 ambulans a transporta ambos victima levemente herida pa hospital.
