ORANJESTAD -Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Matadera, Paradera, Sero Preto y Alto Vista cu mayan diaranson dia 20 di november 2019 te cu dia 30 november 2019 lo cera e areanan menciona pa cuminsa cu trabounan preparativo y despues pa asfalta e caminda.
Na Matadera trabounan preparativo lo cuminsa mayan dia 20 november 2019 y lo asfalta dia 28 november 2019. E caminda cu lo asfalta ta di Matadera 13T pa Matadera 19K y di Matadera 19 pa Matadera 22.
Na Paradera tambe trabounan preparativo lo cuminsa mayan dia 20 november 2019 y lo asfalta dianan 26 y 27 di november 2019. E caminda cu lo asfalta ta di Paradera 22 pa Paradera 178, y di Sero Preto 16 pa Sero Preto 22A.
Na Alto Vista trabounan preparativo lo cuminsa diasabra dia 23 november 2019 y lo asfalta dia 29 y 30 di november 2019. E caminda cu lo asfalta ta for di Alto Vista 41 te Alto Vista 45D y di Alto Vista 53 pa Alto Vista 53H.
Ruta alternativa lo keda indica cu baricadanan y borchinan di aviso y e orario di ceramento lo ta di 8’or di mainta te cu 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
