Dialuna anochi a drenta informe di un accidente basta serio na Washington, mesora a dirigi tanto polis como ambulans y bombero na e sitio. Na yegada a bin constata cu aki un chauffeur coriendo velocidad halto a perde control, baha caminda, dal palo di luz kibra y bolter. E impacto tabata basta fuerte y a laga e chauffeur keda pega den e auto. Bomberonan hunto cu paramediconan a traha liher y effectivo pa por a logra saca e herido for di e vehiculo pa por a transporte pa hospital pa tratamento. Elmar a bini na e sitio pa asina por a atende cu e palo di luz kibra y wayanan colga cu a laga henter e bario sin coriente.
