Diadomingo marduga a drenta informe di un caso di ladronicia na un adres na Tanki Leendert, mesora a dirigi patruya na e sitio. Na yegada di patruya na e sitio a topa un sospechoso riba bicileta cu lo tabata anda cu hermentnan. Polis a bay mesora pa para e persona aki pero e sospechoso a bandona su bicicleta y e hermentnan horta y a core drenta mondi. E polisnan a tira bista riba dje y a start un buskeda den e mondi pa e sospechoso. despues di un rato a logra encontra e sospechoso y persigui’de den mondi prome cu a logra detene. Vehiculo di transporte a ser pidi na e sitio pa asina por a transporta e detenido na warda di polis. Polis a tuma e hermentnan como tambe e bicicleta den beslag.
