Diahuebs mainta a drenta informe di un accidente cu hende herida na Hooiberg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente di cadena cu 3 auto envolvi unda cu e chauffeur di e Honda Civic bayendo direccion pariba no a regula su velocidad ni a mantene distancia a bay dal tras di un Toyota Yaris basta duro manda e Yaris bay dal tras di e Hyunda Accent. Debi na e impacto aki e chauffeur di e Accent a resulta levemente herida. Na yegada di e ambulans nan a atende e victima na e sitio mes.
