Diasabra atardi a drenta informe di cu tin un homber indesea den un cura di cas y cu un arma di candela na un cas na Papilon, mesora a dirigi diferente patruya na e sitio. Na caminda pa e sitio a compronde cu e dama na e cas a scucha sonido di un tiro, esaki a pone e patruyanan bay cu mas urgencia. Na yegada di e patruya e dama a indica polis cu e homber indesea a bay un poco mas pabao di e cas. Polis a haya e descripcion y a topa cu e homber indesea cu e arma den man y a ordene pa benta esaki abao y e mes tambe drumi abao plat na suela un instruccion cual ela cumpli cabalmente cun’e . Polis a confisca e riffle y ripara cu aki ta trata di un persona di edad y cu algo no ta mucho bon cun’e mirando cu e homber indesea ta un conosi di esnan presente a yama su familiarnan pa bin buske. Pero e arma si a keda confisca.
