Diadomingo madruga a drenta informe di cu un palo di lus a cay na Calabas y e wayanan ta tira chispa di candela, mesora a dirigi tanto polis como Elmar na e sitio. Na yegada di e patruya a bin compronde cu pa basta tempo caba bisiñanan ta yama Elmar pa drecha un situacion unda wayanan di coriente ta casi dal den otro pa via di un mata grandi y un palo di lus cu ta den cay y ta schuin. Pero awor e palo di lus a cay y despues di a saca chispanan coriente a bay den un parti di Calabas. Na yegada di Elmar nan a cuminsa traha mesora riba dje. E habitantenan ta puntra pakiko anto Elmar no ta tuma accion de inmediato ora usuarionan cu ta nota e posibel fayonan cu lo por presenta?
